ಬಾಗ್ಮನೆಗೆ ಬಂದಿದ್ದೇನೆ

ಸುಮಾರು ಮೂರು ವರ್ಷದ ಅವಧಿಯಲ್ಲಿ ಈ ಬ್ಲಾಗಿನಲ್ಲಿ ನಾನು ೧೨೫ ಪೋಸ್ಟುಗಳನ್ನು ಬರೆದಿದ್ದೇನೆ. ಕೆಲಸಕ್ಕೆ ಸೇರಿದಂದಿನಿಂದ ಅರ್ಧಕ್ಕಿಂತ ಹೆಚ್ಚಿನ ಸಮಯ ಆಫೀಸಿನಲ್ಲೇ ಕಳೆದಿದ್ದೇನೆ. ಆದರೂ, ನನ್ನ ಬ್ಲಾಗಿನಲ್ಲಿ ಕೆಲಸಕ್ಕೆ ಅಥವಾ ಆಫೀಸಿಗೆ ಸಂಬಂಧಿಸಿದ ಮೂರ್ನಾಲ್ಕು ಪೋಸ್ಟುಗಳು ಹುಡುಕಿದರೂ ಸಿಗಲಾರವೆಂದು ಅರಿತಾಗ ನನಗೇ ಆಶ್ಚರ್ಯವಾಯಿತು.

ಹಾಗೆಂದು ಇಂದಿನಿಂದ ಆಫೀಸಿನ ಕತೆಗಳು ಇಲ್ಲಿಗೆ ಬರುತ್ತವೆಂದು ನಿರೀಕ್ಪಿಸಬೇಡಿ. ಅಂತದ್ಯಾವ ಯೋಚನೆಯೂ ಸದ್ಯಕ್ಕಿಲ್ಲ.

ನಾನು ಎಲ್ಲಿ ಕೆಲಸ ಮಾಡುತ್ತೇನೆ, ಏನು ಕೆಲಸ ಮಾಡುತ್ತೇನೆ, ಏಕೆ ಕೆಲಸ ಮಾಡುತ್ತೇನೆ ಎಂದು ಇಲ್ಲಿಯವರೆಗೆ ಬರೆದುಕೊಂಡಿರಲಿಲ್ಲ. ನಿನ್ನೆ ಆದ ಒಂದು ಸಣ್ಣ ಬದಲಾವಣೆ. ಬರೆಯಬೇಕೆನಿಸಿತು. ನಾನು ಈಗ C V Raman ನಗರದ ಬಾಗ್ಮನೆ ಟೆಕ್ ಪಾರ್ಕ್ ನಲ್ಲಿರುವ್ ಒಂದು ಕಂಪೆನಿಯಲ್ಲಿ ಕೆಲಸ ಮಾಡುತ್ತಿದ್ದೇನೆ.

ಹೊಸ ಸ್ಥಳವಾದ್ದರಿಂದ ಆಗಾಗ ಬೋರಾಗುತ್ತದೆ. ಗೆಳೆಯರು/ಪರಿಚಿತರು ಯಾರಾದರು ಹತ್ತಿರ ಇದ್ದಾರೆಯೋ ಹುಡುಕಬೇಕು, ಹೇಗೆಂದು ತೋಚುತ್ತಿಲ್ಲ!

ನೀವ್ಯಾರಾದ್ರು ಇಲ್ಲೇ ಕೆಲ್ಸ ಮಾಡ್ತೀರ?

ಅಂದಹಾಗೆ, ಆಫೀಸಿಗೆ ಫೋನು ಮಾಡುತ್ತಿದ್ದವರು ದಯವಿಟ್ಟು ಹಳೆಯ ನಂಬರನ್ನು ಅಳಿಸಿಬಿಡಿ.