ಜಾಣೆ ಕನ್ನಡವ ತಿಳಿದ್ಹೇಳೆ

ಒಗಟುಗಳು ಒಂತರಾ ಚಂದ. ಅದರಲ್ಲೂ ಅವು ಪದ್ಯಗಳ ರೂಪದಲ್ಲಿದ್ದರೆ, ಅದರ ಮಜವೇ ಬೇರೆ.

ಹೀಗೆ ಒಗಟುಗಳು ಹಾಗು ಪದ್ಯ ರೂಪದಲ್ಲಿರುವ ಪ್ರಶ್ನೋತ್ತರಗಳ ಕುರಿತು ಮಾತನಾಡುತ್ತಿದ್ದಾಗ ಅಮ್ಮ ಹೇಳಿದ ಒಂದು ಜೊತೆ ಪದ್ಯ ಇಲ್ಲಿದೆ.

(ಪ್ರ)

ನೀರಿಲ್ಲದ್ ಕೆರೆಯಲ್ಲಿ

ಬೇರಿಲ್ಲದ್ ಸಸಿ ಹುಟ್ಟಿ

ನಾರಿಲ್ಲದ್ ದಂಡೆ ಮಡುವಳು..

ನಾರಿಲ್ಲದ ದಂಡೆ ಮಡುವಳು

ಬೆಡಗಿನ ಜಾಣೆ ಕನ್ನಡವ ತಿಳಿದ್ಹೇಳೆ..

(ಉ)

ಕನ್ನಡವನು ಹೇಳುವಲೆ

ಇನ್ನು ಚೋದಿಗವಿಲ್ಲೆ

ಪನ್ನಗಧರನ ಶಿವಬಲ್ಲ

ಶಿವಬಲ್ಲ ಸೀತಾಳಿ ದಂಡ್ಯಲ್ಲವೇನೆ ಹಶಿಯವಳೆ...

ಇವು ಅಮ್ಮನ ಅಮ್ಮಮ್ಮ ಹೇಳುತ್ತಿದ್ದ ಹಾಡುಗಳಂತೆ. ಇಂತಹ ಹಳೆಯ ಪದ್ಯಗಳು ನಿಮಗೆ ಗೊತ್ತಿದ್ದರೆ, ನನಗೆ ತಿಳಿಸಿ ನನ್ನ ಕುತೂಹಲ ತಣಿಸಿ.

ವಿ.ಸೂ: ಬಾಯಿಂದ ಬಾಯಿಗೆ ಜಾನಪದ ಶೈಲಿಯಲ್ಲಿ ದಾಟಿ ಬಂದ ಈ ಪದ್ಯಗಳಲ್ಲಿ ಕೆಲವು ದೋಷಗಳಿರಬಹುದು. ನಾನು ಕೇಳಿದ್ದನ್ನು ಹಾಗೆಯೇ ಬರೆದಿದ್ದೇನೆ ಅಷ್ಟೆ.